【習總自打嘴巴】五年前上任親民 今訪港生人勿近 


香港回歸二十週年,習總旋風式襲港,警方封路封橋,當中以港島區為重災區,灣仔於繁忙時間更一度出現三公里車龍。另外,警方又部署空前嚴密保安措施,甚至連記者去採訪習總抵港,都要沒收毛巾、雨傘、筆等等,官方更派出飛虎隊狙擊手等,一共動用一萬四千警力護主。

明明是「君臨天下」,予人的感覺更像「如臨大敵」。浸大新聞系高級講師兼時事評論人呂秉權指,習近平五年前上任做國家主席時,曾經大走親民風,提出要「向群眾學習、向實踐學習,多同群眾座談⋯⋯多到困難和矛盾集中、群眾意見多的地方去,切忌走過場」,又要「減少交通管制,一般情況不封路、不清場閉館」。

反觀是次習總來港的種種安排,似乎都有點自打嘴巴,「今次同佢上任之初嘅親民路線,係完全唔同。佢一開頭上任去深圳,啲人可以同佢自拍握手,群眾喺冇安排之下都可以走近到,今次好明顯就係隔絕晒群眾。其實習近平本身嚟香港,都幾擔心正常群眾對佢嘅反應係點樣,亦都更加擔心各種嘅示威,尤其是港獨本土,或者嗰個團體對佢嘅一啲突襲式示威。」

_________________________
回歸廿年,《壹週Plus》與你細味過去與將來。
http://handover20th.nextplus.hk/